Сэтинньи 22 күнүгэр Бөтүҥ нэһилиэгэр доруобуйаларынан хааччахтаах дьон декадатын чэрчитинэн Байанай күрэҕэ буолан ааста. Күрэххэ 1 Хомустаах, Хамаҕатта, Хатыҥ Арыы, Бөтүҥ, Модут, Хатырык нэһилиэктэриттэн уопсайа 13 кыттааччы кытынна. Күрэх 6 түһүмэҕинэн барда, ол курдук кыттааччылар уустаан-ураннаан бэйэни билиһиннэрдилэр, булка-алка сыһыаннаах ыйытыыларга хоруйдаатылар, воздушканан сыал ыттылар, дартс бырахтылар, сытыы быһаҕынан мас кыстылар, «Үүтээн кэпсээннэрэ» түһүмэххэ кыттаачылар булт мүччүргэннээх сырыыларыттан кэпсээн дьону сэҥээртилэр. Уопсай түмүккэ нэһилиэкпит аатыттан киирсибит Ядреев Леонид муҥутуур кыайыылааҕынан таҕыста. 2 миэстэни Хатырыктан - Дмитрий Мухин, 3 миэстэни Модуттан - Семен Сивцев ыллылар, сыаналаах бириистэринэн наҕараадаланнылар. Бу курдук доруобуйаларынан хааччахтаах дьону көхтөөх олоххо көҕүлүүр Байанай тэрээһинэ үрдүк таһымнаахтык ааста.
.jpeg)
.jpeg)
.jpeg)
.jpeg)
Комментариев нет:
Отправить комментарий