Саҥа кинигэ сүрэхтэниитэ

  Ахсынньы ый 2 күнүгэр "Эйгэ" саҥа көлүөнэ библиотекатыгар Бастакы Хомустаах нэһилиэгин Ытык киһитэ, "Нам" совхозка өр сылларга суоппарынан, механигынан, завгарынан үлэлээбит, дуобакка маастарга кандидат Соловьев Николай Константинович сырдык кэриэһигэр анаммыт "Көстөкүүнэбис"  диэн  кинигэ сүрэхтэниитэ буолан ааста. Кинигэ сүрэхтэниитэ Николай Константинович сиэннэрэ "Эһээ алгыһа"   литературнай монтажтан саҕаланна. Көрсүһүүнү иилээн-саҕалаан ыытта Соловьевтар улахан кыыстара Елена Николаевна Жиркова. Бу күн Николай Константинович аймах-билэ дьоно, бииргэ үлэлээбит, алтыспыт үөлээннээхтэрэ, доҕотторо мустан сурдээх истиҥник ахтан-санаан аастылар. Николай Константинович оҕолоро, кыргыттара Жиркова Е.Н, Соловьева С.Н ахтыылары түмэн, төрүччүнү үөрэтэн, баай ис хоһоонноох, аҕаларын аатын үйэтитэр сыаллаах кинигэни бэчээттэтэн таһаарбыттарын, ыҥырыылаах ыалдьыттар сэргээтилэр уонна бэйэлэрин төрүччүлэрин оҥостор баҕа санааларын эттилэр. 

   Кинигэ 50 экземплярынан таҕыста, 2 экземпляр бэлэх быһыытынан олохтоох библиотекаҕа бэрилиннэ.  Н.К.Соловьев олоҕун сырдатар "Үтүө үгэстээх дьоһун  олох" быыстапката оҥоһуллан турда. Түмүккэ, Николай Константинович кэргэнэ Татьяна Макаровна кинигэ тахсарыгар көмөлөспүт дьонугар-сэргэтигэр, төрөппүт оҕолоругар махтал тылларын анаата.

Корнею Чуковскому 140 лет!

1 декабря в библиотеке состоялся традиционный конкурс чтецов для учащихся 4 "б" класса ( рук. Кривошапкина Ж.А.), посвященный  140-летию детского писателя Корнея Чуковского. Дети прочитали стихи "Мойдодыр", "Тараканище",  "Бармалей", "Краденое солнце", "Бутерброд", "Доктор Айболит" и др. По итогам конкурса победителями стали Колесов Никита, Иванов Дамир, Терентьев Эдик, Лиханова Амелия и Егорова Сардана. Всем участникам конкурса желаем творческих успехов, читайте книги, любите, учите стихи Чуковского!

"Үргэл" түмсүү сонуннара

Ахсынньы 1 күнүгэр доруобуйаларынан хааччахтаах дьоннор Декадаларынан Н.М. Рыкунов аат. улуустааҕы киин библиотекатыгар "Брейн ринг" буолла.  Оонньуу САССР 100, М.К. Аммосов 125 сылларыгар ананна. Интеллектуальнай оонньууга 3 эрэ хамаанда кытынна, онон түмүккэ, 3-с миэстэҕэ "Үргэл" 1 Хомустаах, 2-с миэстэҕэ Хатырыктан сылдьар "Дьулуур" хамаандалар уонна  Намтан "Сыркылар" хамаанда 1 миэстэҕэ таҕыста. 

Эпос эвенков - нимнгакан

Хотугу норуоттар төһө да аҕыйах ахсааннаах буолбуттарын иһин  бэйэлэрэ ыллыыр ырыалаах, үҥкүүлүүр үҥкүүлээх, тылынан уус-уран айымньылаах биир ураты норуотунан биллэллэр. Элбэх үйэлэр тухары айылҕаны кытта эҥэрдэһэн, кини суруллубатах сокуоннарын эттэригэр-хааннарыгар иҥэринэн, айылҕа дьикти көстүүлэрин, көтөрүн-сүүрэрин, тыаһын-ууһун, кырааскатын бэйэлэригэр дьүөрэлээн ырыа-тойук, оһуор-бичик оҥорон олохторугар-дьаһахтарыгар сыһыараллара, номохторугар хоһуйаллара. 

Саха сиригэр, Амур уобалаһыгар, Хабаровскай кыраайга олорор эбэҥкилэр героическай эпостарынан - нимҥакаан буолар. Дьэ, бу хотугу норуоттар эпостарын билсэр медиаурок 1 Хомустаах орто оскуолатын 4 б кылааһын үөрэнээччилэригэр анаан сэтинньи 25 күнүгэр ыытыллыбыта (кылаас сал. Николаева С.Г.).  Уруокка бочуоттаах ыалдьытынан педагогическай үлэ ветерана Л.Н.Степанова ыҥырыллан кэлэн хотугу норуоттар олохторун-дьаһахтарын, таҥастарын-саптарын, оһуордарын-бичиктэрин сиһилии билиһиннэрбитэ.  Людмила Николаевна хотугу норуоттар культураларын сэһэргиир  уруһуйдары аҕалбытын олус сэҥээрэн көрбүттэрэ. Оҕолор "Эпос эвенков - нимнгакан " презентацияны көрөн,  эпоһы сахалыы саҥардыбыт эбэҥки норуотун талааннаах ырыаһытын Трофимов Н.Г. туһунан истэн, "Торго-түргэ таҥастаах Торгандуун матаа" кинигэтиттэн олоҥхо кылгас ис хоһоонун билсэн тарҕаспыттара.

 

 

 "Олоҥхо геройдарын таай" тест

         "Олоҥхо туһунан 20 чахчы" манна көр  

 

            

Ханна? Хаһан? Хайдах?

 Саха республикатын 100 сыллаах юбилейын чэрчитинэн, сэтинньи 24 күнүгэр Д.Ф. Алексеев аатынан орто оскуола актовай саалатыгар оскуола методическай түмсүүлэрин икки ардыгар "Ханна? Хайдах? Хаһан?" интеллектуальнай оонньуу буолан ааста. Барыта 6 команда күөн көрүстүлэр: алын кылаас учууталларын метод.холбоһуга "Саһарҕа",  гуманитарийдар - "Рыбки гумми", физматтар - "Дьүкээбил", эстеттар - "Үрдэл", воспитателлэр "Сардаҥа" уонна тех.үлэһиттэр "Суундьукку". Оонньуу 4 түһүмэҕинэн барда. Оскуола үлэһиттэрэ "История кэрчиктэрэ", "Үөрэхтээһин уонна наука", "Олоҥхо түһүлгэтэ" уонна "Чыпчаал чахчылар" хайысханан боппуруостарга хоруйдаатылар. Түмүккэ 3 миэстэҕэ "Саһарҕа", 2 миэстэҕэ - "Дьүкээбил" хамаандалар  ыллылар. Саамай элбэх сөптөөх эппиэти "Рыбки Гумми" хамаандата биэрэн муҥутуур кыайыылааҕынан буолла. Оонньууну дьүүллээтэ 1 Хомустаах МТ специалиһа Валентина Оконешникова, "Мичийээнэ" оҕо уһуйаанын воспитателэ Вероника Сысолятина уонна оскуола библиотекара Ларьянна Константинова. 

Олоҥхо түһүлгэтэ

Олоҥхо үөһээ дойду уонна орто дойду бухатыырдарын дьоннорун, аллараа дойду абааһыларын, куһаҕан тыыннарын кэпсиир, сэһэргиир норуот уус-уран айымньытынан буолар. Ол курдук, олоҥхоҕо олох үс дойдуга арахсар: Үөһээ дойду - Үрүҥ Айыы Тойон күн таҥаралаах Айыы бухатыырдарын дойдулара. Орто дойду: Аан Алахчын Хотун таҥаралаах киһи-аймах олорор дойдулара. Аллараа дойду - Арсан Дуолай  таҥаралаах куһаҕан тыыннар, абааһылар дойдулара.  

Сэтинньи 26 күнүгэр "Олоҥхо түһүлгэтэ" диэн айар чаас 3 кылаас үөрэнээччилэригэр (сал. Жиркова Д.Д.) анаан ыытылынна. Оҕолорго   “Мин дойдум – Олонхо дойдута” презентация көрдөрүлүннэ, "Олоҥхо үс дойдута" диэн ааттаан үөһээ, орто, аллараа дойдулар геройдарын кытары билистилэр.  Оҕо искусствотын оскуолатын преподавателлэрэ Иванова Ю.М. уонна Татаринова С.Э. картонунан, фетрынан үлэлииргэ оҕолорго сүбэ-ама биэрдилэр, олоҥхо кэрэ эйгэтигэр сирдээтилэр. Оҕолор илиилэринэн кыһаллан оҥорбут оҥоһуктарын библиотекаҕа бэлэхтээтилэр, оҥорбут үлэлэрин түмүгүттэн дуоһуйан, астынан, махтанан тарҕастылар.