"Олоххо дьулууру уруйдаан"

   Доруобуйаларынан хааччахтаах дьон декадаларын чэрчитинэн, 1 Хомустаах нэһилиэгэр "Түмсүү" балаҕаҥҥа, сэтинньи 25 күнүгэр "Үргэл" түмсүү" көҕүлээһининэн "Олоххо дьулууру уруйдаан" диэн истиҥ көрсүһүү буолан ааста. Бырааһынньыктааҕы тэрээһини нэһилиэкпит  кэрэ-бэлиэ үбүлүөйдээх дьоннорун Аҕа баһылык Василий Жирков эҕэрдэ тылынан саҕалаата. Ол курдук, Анастасия Никифорова "1 Хомустаах МТ сайдыытыгар кылаатын иһин" бэлиэнэн, Иван, Розалия Егоровтар 50 сыллаах кыһыл көмүс сыбаайбаларынан, П.Г. Сергеев - 85, А.Е. Москвитин, Николаева Г.М. - 75, Прокопьева Г.Н., Чириков А.Е., 70, Шарапова М.П. - 65, Никифорова А.И. - 60, Терентьев Г.Е. - 55, Григорьева Д.П., Заболоцкая Н.В. - 50 юбилейдаах саастарынан эҕэрдэ суруктары уонна бэлэхтэри үөрүүлээх быһыыыга-майгыга туттартаата. Салҕыы минньигэс астаах остуолга олорон ирэ-хоро кэпсэтэн, көхтөөхтүк оонньууларга кыттан, үҥкүүлээн, сэргэхсийэн, дуоһуйа сынньаннылар. Бу күн улуустааҕы ибэлииттэр түмсүүтүн салайааччыта Литвинова М.Д. уонна  Нам сэлиэнньэтин, Бөтүҥ, Модут, Үөдэй нэһилиэктэрин инбэлииттэрин түмсүүлэрин салайааччылара күндү ыалдьыт буолан кэлэн эҕэрдэлээн, алгыс тылларын анаатылар, бэлэхтэрин туттардылар,  Биир үөрүүлээх түгэнинэн "С юбилеем" диэн суруктаах туорду быһан бары мустубут ыалдьыттары күндүлээһин буолла. Тэрээһин уопсай хаартыскаҕа түһүүнэн түмүктэннэ.

  Бу сэргэх тэрээһини иилээн-саҕалаан ыыппыт, ылбаҕай ырыаларын бэлэхтээбит  "Алгыс" норуот айымньытын киинин  коллективыгар Анна Мылахановаҕа, Алена Руфоваҕа, Марина Охлопковаҕа, Мичил Иннокентьевка, "Эйгэ" саҥа көлүөнэ библиотекатын коллективыгар, итии аһынан күндүлээбит Ольга Сивцеваҕа ("Хотун Илгэ"),  минньигэс туорду бэлэхтээбит Полина Винокуроваҕа түмсүү аатыттан улахан махталбын тиэрдэбин. 

                                                                                                     "Үргэл" түмсүү сал. Березкина Т.А.