Саха дьыктаан-2022

 

    Олунньу 12 күнүгэр,  ТӨРӨӨБҮТ ТЫЛ уонна СУРУК-БИЧИК КҮНҮН көрсө үгэс буолбут “Саха дьыктаан” республикатааҕы акция ыытылынна.

    Быйылгы акция хааччахтаммыт миэрэлэри тутуһан, ютуб канал нөҥүө  буолла. Биһиги нэһилиэкпититтэн, уопсайа 30 киһи дьыктаан суруйуутугар бэйэлэрин тургутан көрдүлэр. Дьыктаан тиэкиһин, саха норуодунай суруйааччыта Софрон Данилов «Барымаҥ даа, кубалар» диэн сэһэниттэн быһа тардан аахта, биир дойдулаахпыт, “Тэтим” араадьыйа ыыттааччыта Индира Софронова. Дьыктаан кыттыылаахтарыгар "Бастыҥтан бастыҥ", "Бастыҥ суруксут", "Үчүгэй суруксут" ааттар иҥэрилиннилэр. 

     Ийэ тылбыт күнүгэр аналлаах акцияҕа Нам улууһун 17 нэһилиэгиттэн барыта 257 киһи кыттыыны ылла.

Республиканскай акцияҕа хас сылын аайы көхтөөхтүк кыттар бар дьоммутугар истиҥ махталбытын тиэрдэбит.

                               Сахалыы тылбыт суппэтин,

                               Улуу тылбыт уруйданнын!