Дойдубут үрдүнэн Учуутал уонна уһуйааччы сылынан учуутал идэлээх, саха норуодунай суруйааччыта, П.А. Ойуунускай аатынан СӨ судаарыстыбаннай бириэмийэтин лауреата, Россия Суруйааччыларын сойууһун Үрдүкү сүбэтин чилиэнэ, Бүтүн Кытайдааҕы Лао-Цзы наукалыы уопсастыбатын бэрэссэдээтэлин солбуйааччы, СӨ Духуобунаска академиятын вице-президенэ Николай Алексеевич Лугинов 75 сааһыгар аналлаах "Айар үлэ аартыгынан норуот историятын түмээччи" суруйааччы чааһа ыытылынна.
Суруйааччы чааһа музыкальнай оскуола художественнай кылааһын үөрэнээччилэригэр (директор Бережнева Т.Е., сал. Иванова Ю.М.) ананна. Оҕолор суруйааччы кылгас биографиятын сэргэ кини айымньыларын билистилэр. Ол курдук Николай Лугинов чулуу айымньылара "Чыҥыс-Хаан ыйааҕынан", "Улуу хууннар", "Таас Тумус", "Сэргэ" уо.д.а. нууччалыы, сорох Европа тылларыгар тылбаастаммыттарын, нуучча уонна аан дойду классическай литератураларын баай уопуттарыгар олоҕуран бэйэтин төрөөбүт норуотун олоҕун-дьаһаҕын, дьылҕатын бөлүһүөктээн ырытар, бөдөҥ историческай событиелары үйэтитэр, ураты сахалыы ко
лориттаах, философскай хабааннаах айымньыларын сэргии иһиттилэр. Ордук "Чыҥыс-Хаан ыйааҕынан", "Таас Тумус" айымньыларынан "Тайна Чингис Хаана", "Надо мною солнце не садится" киинэлэр тахсыбыттарын уонна Нам улууһугар олорон суруйбут "Таас Тумус", "Сэбирдэх уута", "Халлаан хараҕата" кинигэлэрин интэриэһиргээтилэр. Уруок бүтүүтэ суруйааччы кинигэлэрин үөрэ-көтө уларсан бардылар.
Оҕолоор, "Кэскил" хаһыат сайтыгар тахсыбыт Айна Аргунова, Валя Гуляева уонна Сайаана Терехова оҥорбут буктрейлердарын көрүҥ уонна Николай Лугинов айымньыларын ааҕыҥ!
Комментариев нет:
Отправить комментарий