Ыам ыйын 17 күнүгэр "Мичийээнэ" уһуйаанын оҕолоро иитээччи Вероника Андреевнаны кытта ыалдьыттаатылар. Уһуйааннарыгар буола турар Кинигэ нэдиэлэтин чэрчитинэн кырачааннар библиотекаҕа кинигэлэри бэлэх ууннулар. Бу күн оҕолор кинигэни кытта алтыһан, сурунааллары көрөн, кырааскалаан, игровой зонаҕа интерактивнай оонньуулары дуоһуйа оонньоотулар уонна өссө да кэлиэхпит диэн үөрэ-көтө уһуйааннарыгар бардылар. Санатан эттэххэ, Вероника Андреевна иитиллээччилэрин кытта кинигэ бэлэхтиири үтүө үгэс оҥостон библиотекаҕа 3-с сылын бэлэхтиир. Бу курдук библиотека фондатын байытан, кыракый ааҕааччыны иитэн таһаарарга мичийээнэлэр сэмэй кылааттарын киллэрэллэр. Вероника Андреевнаҕа уонна кыракый ааҕааччыларбытыгар улахан махталбытын тиэрдэбит!
Комментариев нет:
Отправить комментарий