"Үргэл" түмсүү сонуннара

Ахсынньы 1 күнүгэр доруобуйаларынан хааччахтаах дьоннор Декадаларынан Н.М. Рыкунов аат. улуустааҕы киин библиотекатыгар "Брейн ринг" буолла. Оонньуу САССР 100, М.К. Аммосов 125 сылларыгар ананна. Интеллектуальнай оонньууга 3 эрэ хамаанда кытынна, онон түмүккэ, 3-с миэстэҕэ "Үргэл" 1 Хомустаах, 2-с миэстэҕэ Хатырыктан сылдьар "Дьулуур" хамаандалар уонна Намтан "Сыркылар" хамаанда 1 миэстэҕэ таҕыста.

1 миэстэ "Сыркылар" (Нам)

2 миэстэ "Дьулуур" (Хатырык)

3 миэстэ "Үргэл" (1 Хомустаах)

Аппааны нэһилиэгин спорт саалатыгар сэтинньи 30 күнүгэр улуустааҕы доруобуйаларынан хааччахтаах дьоҥҥо анаан Спорт күнэ буолан ааста. Бу күн, кэнники сылларга сэҥээриини ылбыт спортивнай остуол оонньууларыгар - корнхол, джаколла, матрешки уонна дартска бастыыр иһин барыта 9 хамаанда күөн көрүстэ. Бэрт сэргэх, тыҥааһыннаах оонньуу кэнниттэн уопсай тумугунэн. бэрт эрэллээхтик 1 миэстэҕэ - Хамаҕатта , 2 миэстэҕэ - 1 Хомустаах , 3 миэстэҕэ - Нам 1 хамаандалара таҕыстылар.

Түгэнинэн туһанан, күрэхтэһиини тэрийэн ыыппыт кылаабынай судьуйаҕа Бурнашев Е.К., судьуйаларга: ВОИ специалиһыгар Сардана Владимировнаҕа, Хатырык спортинструкторыгар Валерий Викторовичка улахан махталбытын тиэрдэбит. Команда тэрийэн аҕалбыт ПО председателлэригэр уонна чуолаан, буфет, табыгастаах усулуобуйаны тэрийбит киһибититэр Чирикова Мария Степановнаҕа уонна бары кыттыбыт спортсменнарга Махтал тылларын аныыбыт.

Т.А. Березкина, "Үргэл" түмсүү салайааччыта