Үүнэ-сайда, туругура тур, төрөөбүт түөлбэбит - Бастакы Хомустаах!

           Балаҕан ыйын 16 күнүгэр нэһилиэкпитигэр «1000 дворов на Дальнем Востоке» элбэх квартиралаах дьиэлэр тиэргэннэрин тупсарыы  программанан МИНИ ПАРК үөрүүлээх аһыллыыта буолан ааста. Күнүс 2 ч. «Сырдыкка угуйар  нэһилиэкпит киин уулуссата»  М.К.Аммосов аатын сүгэр   55 үбүлүөйдээх сылыгар анаммыт эстафетаҕа киин уулусса устун түмсүүлэр, спортсменнар  сомоҕо хаамыытынан  саҕаланна. Мини парк территориятыгар «Айыл5а кэрэ көстүүтэ» О5о искусствотын оскуолатын үөрэнээччилэрин выставката, «Сайдыы» Оҕо айымньытын дьиэтэ туруорбут «Аммосов уулусса историята - хаартыскаларга»  фото-быыстапката нэһилиэк олохтоохторун, ыалдьыттарын биһирэбилин ылла. Оҕо искусствотын оскуолатын иитиллээччилэрэ флешмоб үҥкүүлээн көрөөччүлэри сэргэхситтилэр."Эйгэ" саҥа көлүөнэ библиотека үлэһиттэрэ ыыппыт «Уулусса историятын төһө билэ5ин»?  ыйытык боппуруостарыгар олохтоохтор көхтөөхтүк кытыннылар. Бырааһынньыктааҕы тэрээһин салҕыы «Быйаӊнаах баай күһүн»  атыы- эргиэн дьаарбаҥката буолан орто оскуола территориятыгар ыытылынна. Ыччат скверигэр киэһэ 21 ч.  “ Сулустуу сандаарын, Хомустааҕым уоттара” диэн М.К. Аммосов аатын сугэр Пионерскай этэрээт,  орто оскуола  1991 сыллаах выпускниктарын эҕэрдэ кэнсиэрэ буолла. Бүтэһигэр   бу үөрүүлээх, умнуллубат күн салют ытыытынан түмүктэннэ. 

1997 сыллаахха М.К. Аммосов аатын киин уулуссаҕа иҥэрии 30 сылыгар аналлаах бырааһынньыгы, "Сайдыы" оҕо айымньытын киинин иһинэн үлэлиир "Ыллык" оҕо телестудиятын устуутун көрүҥ, сэргээҥ!

https://youtu.be/5UvM2kqNdug