Муус устар 2 күнүгэр "Эйгэ" саҥа көлүөнэ библиотекатыгар II республикатааҕы алын сүһүөх кылаас үөрэнээччилэригэр аналлаах "Ааҕар түһүлгэ" литературнай күрэх буолан ааста. Быйылгы күрэх Саха сиригэр Үөрэҕирии эйгэтин ситимигэр Ааҕыы сылынан, Россия үөрэҕириитин туйгуна, СР суруйааччыларын сойууһун чилиэнэ, СР үөрэхтээһин систематын Бочуоттаах ветерана, Учууталлар учууталлара Василий Васильевич Ушницкай-Сэки төрөөбүтэ 90 сылыгар ананна.
Күрэх Д.Ф. Алексеев аат. орто оскуола алын сүһүөх кылаас учууталларын холбоһуга уонна "Эйгэ" саҥа көлүөнэ библиотеката көҕүлээһининэн 7-с төгүлүн ыытылынна. Күрэхпит сүрүн сыала-соруга алын сүһүөх кылаас оҕолорун ааҕыыга сыһыарыы, үбүлүөйдээх суруйааччылар олохторун уонна айымньыларын билиһиннэрии, айымньыларын үөрэтии буолар.
Күрэххэ барыта 9 хамаанда кытынна. Ол курдук, Мэҥэ Хаҥалас улууһуттан А.В. Чугунов аат. Мэлдьэхси орто оскуолатыттан "Кынаттар", Уус Алдантан Д.Д. Оллонов аат. Түүлээх орто оскуолатыттан "Кылаайы кыымнара", Нам улууһуттан Е.М. Шапошников аат. Хамаҕатта орто оскуолатын "Кытылчаан", Е.С. Сивцев-Таллан Бүрэ аат. Бөтүҥ орто оскуолатын "Күнчээн", В.П. Артамонов аат. Хамаҕатта Саха-французскай лицейын "Туллуктар", М.В. Петрова аат. Таастаах орто оскуолатын "Эрэллэр", И.С. Гаврильев аат. Нам 1№-х орто оскуолатын "Кустук", И.Е. Винокуров аат. Хатыҥ-Арыы орто оскуолатын "Азбука" уонна Д.Ф. Алексеев аат. 1 Хомустаах орто оскуолатын "Сэки сиэннэрэ" үөрэнээччилэрин хамаандалара кытыннылар.
Быйылгы күрэх куйаар ситиминэн 3 түһүмэҕинэн барда. Кыттааччылар I-кы түһүмэххэ Сэки олоҕун уонна айар үлэтин туһунан "Олоҕум олуктара" диэн онлайн-викторина боппуруостарыгар бэриллибит бириэмэҕэ эппиэттээтилэр, ZOOM платформа нөҥүө II-c "Хоһоон түһүлгэтэ" түһүмэххэ хоһоону дорҕоонноохтук аахтылар уонна III-с түһүмэххэ "Сэкини ааҕан баран" инсценировка күрэҕэр хамаандалар эрдэ видеоҕа устан ыыттылар.
I түһүмэххэ "Олоҕум олуктара" диэн онлайн-викторинаҕа 1-кы миэстэни "Азбука" (Хатыҥ-Арыы), 2 миэстэни "Сэки сиэннэрэ" (1 Хомустаах), 3-с миэстэни "Күнчээн" (Бөтүҥ) хамаандалар ыллылар.
II-с "Хоһоон түһүлгэтэ" түһүмэххэ 1-кы миэстэҕэ - "Сэки сиэннэрэ" (1 Хомустаах), 2 миэстэҕэ "Кытылчаан" (Хамаҕатта), 3 миэстэҕэ "Кылаайы кыымнара" (Уус Алдан, Түүлээх) хамаандалар тигистилэр.
III-с "Сэкини ааҕан баран" түһүмэххэ 1-кы - "Кылаайы кыымнара", 2-с - "Азбука", 3-с "Сэки сиэннэрэ" хамаандалар ыллылар. Уопсай түмүккэ 1 миэстэни ылла Д.Ф. Алексеев аат. орто оскуолатын "Сэки сиэннэрэ" хамаандата, 2-с миэстэҕэ "Азбука" И.Е. Винокуров аат. Хатыҥ-Арыы орто оскуолатын оҕолоро уонна 3-с миэстэҕэ "Кылаайы кыымнара" Д.Д. Оллонов аат. Түүлээх орто оскуолатын хамаандата ыллылар.
Бары кыттыбыт хамаандаларга улахан махталбытын тиэрдэбит!
Комментариев нет:
Отправить комментарий