БОЛҔОЙУҤ! БОЛҔОЙУҤ!
Дойдуну чөлүгэр түһэриигэ, саҥа тутуулары ыытыыга, БАМ линиятын тардыыга, промышленноска, экономикаҕа, култуураҕа, спорка, тыа хаһаайыстыбатын өрө көтөҕүүгэ мөлүйүөнүнэн эдэр ыччаты түмпүт, социализмы тутууга дьоһун ситиһиилэммит КОМСОМОЛ күнүн көрсө
нэһилиэкпит иһинэн саһарбыт хаартыскаларынан акция биллэрэбит.
Уб. үгүс көлүөнэ ветеран комсомоллара!
Комсомол албан аата историяҕа хааларын, билиҥҥи эдэр ыччакка үтүө холобур буоларын туһугар ол саҕанааҕы кэми
сэһэргиир хаартыскаларгытын ыытыҥ, аахсыйаҕа кыттыһыҥ!
Киирбит хаартыскалар “Нэһилиэк историятын кэрдиис кэмнэрэ” библиотека электроннай тиһилигэр летопись буолан хараллаллар.
Болдьоҕо: алтынньы ый 25 күнүттэн – 30 күнүгэр диэри хаартыскаларгытын ватсапка, диреккэ күүтэбит: 89627362381, 89245677209.
КОСМОМОЛ, КОМСОМОЛ...
“Комсомол – эн үтүө ааккынан
Олоҕу тутуһан кэлбиппит,
Маякка дьулуһа үлэлээн
Суолбутун тэлинэр этибит.
Ол онно эдэркээн ыччаттар
“Маай, Үлэ, Эйэ” – диэн хаамсарбыт,
Ол онно эрэллээх санаанан
Ленини үрдүктүк ааттыырбыт.
Эрчиммит барыта сайдыыга,
Норуоппут туһугар буолара.
Үрүҥ илгэни үрүлэтэн
Титииктэргэ ынах ыанара,
Үлэ-хамнас күөстүү оргуйан
Өрөбүл күн да умнуллара.
Аалай былааҕы туппут ыччат
Аата ааттанар кэмэ этэ,
Күнү-ыйы аахсыбат ыччат
Күүһэ-уоҕа үлэҕэ этэ.
Ыра санаа сырдык суола
Нэлэһийэн көстөр этэ,
Аҕа дойду сирдиир суола
Норуотугар өрүү этэ.”
Татаринов А.М. - Удьурҕай
Комментариев нет:
Отправить комментарий