СИЛА КНИГИ - 2023

    Бүгүн ыам ыйын 26 күнүгэр  Бүтүн Россиятааҕы библиотека күнүн чэрчитинэн V-с республикатааҕы "Сила книги" акция буолла. Быйылгы акцияҕа  В.С. Яковлев-Далан "Кинигэ" диэн кэпсээнин  ааҕан иһитиннэрдэ үлэ ветерана, СР тыатын хаһаайыстыбатын ветеран үлэһитэ, СР Үтүөлээх ветеринарнай бырааһа Лидия Васильевна Алексеева. Лидия Васильевна 5 кылаас үөрэнээччилэригэр (сал.Павлова Д.К.) айымньыны ааҕыан иннинэ Далан олоҕун, айар үлэтин туһунан кылгастык билиһиннэрдэ. Ол кэннэ кэпсээни ырытыыга оҕолор көхтөөхтүк кытыннылар. Түмүккэ, Лидия Васильевна оҕолорго кинигэни, ааҕыыны өрө тутан дириҥ билиилээх, сайдыылаах дьон буола улааталларыгар баҕа санаатын тириэртэ.