Биһиги нэһилиэкпитигэр "Улыбка" оҕо сайдар киинин саҥа дьиэтин арыллыыта

Аныгы үйэ тэтиминэн саҥа уһуйаан дьиэтэ тутуллан үлэҕэ киирбит үөрүүлээх түгэнинэн “Эйгэ” саҥа көлүөнэ библиотека аатыттан итии-истиҥ эҕэрдэбитин тиэрдэбит! Кэскиллээх кэнчээри ыччаты иитиигэ туох баар билиилэрин-көрүүлэрин, дьоҕурдарын, сыраларын биэрэн таһаарыылаахтык үлэлии сылдьар иитээччилэргэ, сылаас, ыраас дьиэҕэ иитиллэр, минньигэс амтаннаах аһынан хааччыллар усулуобуйаларын тэрийэр үлэһиттэргэ уруй-айхал тылларын аныыбыт! Кэрэҕэ-үтүөҕэ сирдээччи “Улыбка” оҕо сайдар киинин коллективыгар кытаанах доруобуйаны, дьолу-соргуну, үтүө дьыалаҕыт куруук ситиһии үктэллээх буоларыгар, инникитин да дьон-сэргэ, төрөппүт махталын ыла тураргытыгар баҕарабыт. Үүнүү-сайдыы аартыга арыллар үүнэр ыччаты иитиигэ анаммыт биир ситимнээх үлэбит үтүө түмүктэрдээх буолан кэрэхсэнэ туруо диэн эрэнэбит!